كثير من الأشخاص بعد ما يخلصون سداد قرضهم العقاري يظنون أن الموضوع انتهى، لكن يكتشفون لاحقًا إن العقار لا زال مرهون وما يقدرون يبيعونه أو ينقلون ملكيته.
في الحقيقة، فك الرهن هو إجراء مستقل ولا يتم تلقائي، ولازم تبادر فيه بنفسك.
في المقال نوضح لك كل شيء عن طريقة فك الرهن، حسب ماهو موضح في منصة ناجز.
أولًا: وش معنى فك الرهن؟
فك الرهن يعني إزالة الصيغة اللي تمنعك من التصرف بالعقار، سواء بيت أو أرض أو شقة، بسبب وجود دين سابق عليه (غالبًا قرض عقاري أو تمويل).
بمجرد ما تسدد كامل المبلغ، تقدر تطلب من الجهة الممولة رفع الرهن بشكل رسمي، ووقتها يصير العقار باسمك بالكامل.
وش الخطوات اللي تسويها عشان تفك الرهن؟
الخطوات بسيطة وتتم بالكامل إلكترونيًا عبر منصة ناجز:
2. من القائمة الرئيسية تختار:
العقارات > رفع طلب لفك الرهن
3. تعبي البيانات المطلوبة، وتشمل:
– بيانات العقار
– اسم الجهة الممولة
– رقم صك الملكية
– مرفقات (زي: شهادة السداد)
4. يتم إرسال الطلب للجهة الممولة للموافقة.
5. بعد الموافقة، يتم رفع الطلب إلكترونيًا لكاتب العدل لإصدار الصك المحدث بدون الرهن.
6. تستلم إشعار بأن فك الرهن تم، وتقدر تطبع صكك الإلكتروني الجديد.
متى يرفض الطلب؟
قد يتم رفض الطلب لو:
ما تم سداد القرض بالكامل.
أو كانت البيانات المدخلة غير مطابقة.
أو الجهة الممولة ما وافقت (تحتاج تتواصل معهم أولًا).
كم ياخذ وقت فك الرهن؟
غالبًا ما يتعدى 3 إلى 5 أيام عمل إذا كل شيء مكتمل وتمت الموافقة سريعًا.
نصيحة: لا تنتظر الجهة الممولة تفك الرهن تلقائي
مهما كانت الجهة: بنك، شركة تمويل، أو حتى جهة حكومية… فك الرهن مسؤوليتك أنت.
بادر واطلبه بنفسك عن طريق ناجز عشان ما تتأخر أو تواجه مشكلة لو حبيت تبيع العقار لاحقًا.
وش تحتاج قبل ما تبدأ؟
سداد كامل القرض أو التمويل
شهادة تثبت السداد
صورة من الصك
حساب مفعّل في ناجز
